Pakico pa mantene bo cacho riba bo tereno ta un parti asina importante di e Ley di Cacho nobo?

  1. Cacho cu ta cana los riba caya ta ataca y/of morde peaton, ciclista, carne, cabrito y otro cacho cu ta cana cu nan doño.
  2. Cacho cu ta cana los riba caya ta causa accidente di trafico y hopi biaha ta wordo mata den tal accidente.
  3. Mordi y accidente di trafico ta resulta den gasto medico pa trata ambos hende y cacho.
  4. Cacho cu ta cana los riba caya ta benta baki di sushi abou y ta plama sushi, locual ta un preocupacion pa salud publico.
  5. Si bo cacho no-sterilisa ta cana los riba caya e lo dek cu otro cacho y esaki lo resulta den puppy indesea.
  6. Hopi di e puppy indesea lo wordo laga atras den haula di Servicionan Veterinario, na unda nan lo wordo eutanisa. Otro kizas lo haya cuido te ora e doño realisa cu no por permiti tanto cacho y despues di tempo nan tambe lo wordo laga atras den e haulanan. (Na 2013, 4 mil cacho indesea a wordo mata den tal haulanan.) E Departamento di Servicio Veterinario ta gasta aproximadamente 150 mil florin pa aña na eutanasia.
  7. Otronan lo crece sin doño riba caya di Aruba, sufriendo bida largo di malesa di cuero, hartworm, malesa di carpata, malnutricion severo, y otro malesa horibel. Tin biaha nan ta forma gang cu ta causa problema den comunidad. En general, nan ta añadi na tur problema causa pa cacho cu ta cana los riba caya.
  8. Turista ta alarma pa e cantidad di cacho di caya na Aruba como tambe a cantidad di cacho cu ta wordo mata tur aña den e haulanan. Si e realidadnan aki continua, turista lo skohe pa gasta nan placa na otro destinacion di vacacion.

Potret hopi biaha ta bisa mas cu palabra…